دہشت گرد گروہ داعش کي نام نہاد شرعي عدالت پر بمباري

اہل البیت (ع) نیوز ایجنسی ـ ابنا ـ کی رپورٹ کے مطابق شام کے جنگي طياروں نے رقہ ميں دہشت گردوں کے خلاف اپني کاروائياں جاري رکھتے ہوئے نام نہاد شرعي عدالت کي عمارت پر حملہ کيا ہے –

جنوبي شہر درعا کے مضافات ميں بھي شامي فوج نے دہشت گردوں کے ٹھکانوں پر حملہ کرکے متعدد دہشت گردوں کو ہلاک کرديا ہے - شامي ذرائع نے خبردي ہے کہ شامي فوج نے حلب کے بھي جنوب اور جنوب مغرب ميں کئي علاقوں پر کنٹرول کرليا ہے -
خبروں ميں بتايا گيا ہے کہ شامي فوج نے حلب کے مضافات ، دمشق کے مضافاتي علاقوں ، قنيطرہ، ادلب اور حمص و حماہ ميں بڑي تعداد ميں دہشت گردوں کوموت کے گھاٹ اتاردياہے -

اس درميان اطلاعات ہيں کہ دمشق ميں ايک مسجد پر دہشت گردوں نے کئي مارٹر گولے فائر کئےجس کے نتيجے ميں ايک شخص جاں بحق اور ايک زخمي ہوگيا -

ادھر حمص ميں اکيس دہشت گردوں نے اپنے ہتھيار ڈال ديئے ہيں اور عہد کيا ہے کہ وہ کبھي شامي عوام اور فوج کے خلاف ہتھيار نہيں اٹھائيں گے -

.......

/169